تحدث عن كواليس اخذ قرار الاعتزال: "بقالي فترة بتكلم مع ناس قريبين مني ومن هذه الناس محمود الخطيب ومينفعش البس تيشرت تاني غير الأهلي واتعرض عليا إني ألعب سنة ونص أو موسمين ورفضت العروض، وشكرت الناس وقلت مش هينفع العب في مكان تاني غير الأهلي، وأشكر ربنا على إننا حققنا مركز كويس وتوقيت الاعتزال كان توقيت مناسب في ذلك الوقت .
وتحدث وليد سليمان، عن توقيت اعتزاله، "انه مع الأهلي ينتهي بنهاية الموسم الحالي، ومكنتش هلاقى فرصة للاعتزال انسب من ذلك والتوقيت مناسب وربنا كتب لنا نحقق مركز تالت، وكان طموحنا نحقق حاجة أفضل من السنة اللي فاتت بكتير ، واخترت التوقيت الافضل والاستاد متواجد به الكثير من جمهور الأهلي اللي بتربطني بيه علاقة اخوهه ومحبه وعشان كده بشكر ربنا اني اخذت هذا التوقيت
حواره مع الخطيب قال وليد سليمان الملقب " بالحاوي "لما تحدثت مع الكابتن محمود الخطيب وقلت له عايز آخد رأيك وقالي القرار يرجع لك لو قادر تكمل كمل، وتحدثت له مش هينفع البس تيشرت غير الأهلي وقالي نستنى لكاس العالم وقالي انت تستاهل حاجة كبيرة وعظيمه وعايز اعملك حاجة كبيرة وتحدثت معاه وقال ' الحاوي ' شايف التوقيت كويس وقالي انا عارف انت جاي تقول ايه، وقلت له الموضوع يرجعلك وقلت له مرتاح وراضي عن اللي عملته والتوقيت مناسب وقالي خلاص توكل على الله".
ليله حزن فى وداع الجماهير الاهلي
بعد مشاركتي بثلاث دقائق في مباراة الهلال السعودي دموعي نزلت جدا ومكنتش متوقع ردود الأفعال تكون كده وفيه علاقة تربطني بجمهور الأهلي علاقه قويه افتخر بها وأنا اللاعب الوحيد اللي الجمهور نادى ليه وانا بلعب ضد الأهلي، ومهما عملت مش هقدر اوفيه وبشكر كل اهلاوي جمهور الأهلي واللي عمله معايا طول مسيرتي وبشكر مجلس الإدارة النادي والجهاز الفني وكل اللي عملت معاهم وعمال النادي، وراضي عن كل اللي عملته".